تجمع شعبى للنهوض بالعمل الوطنى بمصر
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخول  

شاطر | 
 

 مصر يا امه يا بهية

اذهب الى الأسفل 
كاتب الموضوعرسالة
حسام يوسف

avatar

المساهمات : 52
تاريخ التسجيل : 28/08/2007

مُساهمةموضوع: مصر يا امه يا بهية   الأربعاء أغسطس 29, 2007 2:58 am

بهيــــــــــــــــــــــــــــــــــــة



يسبق كلامنا سلامنا يطوف ع السامعين معنا عصفور محندق يزقزق كلام موزون و له معنى
عن الارض سمرا و قمرا و ضفه و نهر و مراكب و رفاق مسيرة عسيرة و صورة حشد و مواكب
في عيون صبية بهية عليها الكلمة و المعنى

مصر يا امة يا بهية يام طرحة و جلابية
الزمن شاب و انتي شابة هو رايح و انتي جاية
جايه فوق الصعب ماشية فات عليكي ليل و مية
و احتمالك هو هو و ابتسامتك هي هي
تضحكي للصبح يصبح بعد ليلة و مغربية
تطلع الشمس تلاقيكي
معجبانية و صبية يا بهية

الليل جزاير جزاير يمد البحر يفنيها
و الفجر شعلة ح تعلا و عمر الموج ما يطويها
و الشط باين مداين عليها الشمس طوافة
ايدك في ايدنا ساعدنا
دي مهما الموجة تتعافى بالعزم ساعة جماعة
و بالأنصاف نخطيها

مصر ياأمة يا سفينة مهما كان البحر عاتي
فلاحينيك ملاحينيك يزعقوا للريح يواتي
اللي ع الدفة صنايعي و اللي ع المجداف زناتي
و اللي فوق الصاري كاشف كل ماضي و كل آتي
عقدتين و التالته تابتة تركبي الموجة العفية
توصلي بر السلامة
معجبانية و صبية.. يا بهية

و يعود كلامنا في سلامنا يطوف ع الصحبة حلواني
عصفور محني يغني على الأفراح ومن تاني
يرمي الغناوي تقاوي تبوس الأرض
تتحنى
تفرح
و تطرح
و تسرح
و ترجع تاني تتغنى
اللي بنى مصر كان في الأصل حلواني



أحمد فؤاد نجم



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مصر يا امه يا بهية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
التيار الاجتماعى المصرى :: فن وادب-
انتقل الى: